ودي اعرف وش ردة فعل كل واحد اذا ساله حد ها لاسئله

ودي اعرف ردة فعل كل واحد اذا احد سأله هذا السؤال ؟..

--------------------------------------------------------------------------------

وودك تتوطى في بطن اللي يسالك

مثــلا :-

أنت بغرفتك منسدح بالسرير ومطفي النور ومتلحف بالبطانيه >> أحــــــــــــيـــــــــــه يالـــبرد ..

يجي أحد أخوانك ويفتح الباب عليك ويقول :- بتنام ! ! !


(( لا أبرقص ,, أكيد أبنام ))
************************
أنتم معزومين عند ناس ورحتو لبيتهم وأول ما فتحوا الباب لكم , قال ولدهم :- " جيتــوا

العزيمـه "


(( لا باقي عند الاشاره))
********************

والعكس :- أنت لابس ثوبك وكاشخ بالشماغ وماشي بالبيت متجه لباب الشارع ,,


يجي أحد من أهلك وينادي بصوت عالي >>> ويقول بتطلع ! ! !


(( لا اجرب الباب هو زين ولالا))

*****************


أو مثلا راكب السياره وشغلت الموتر شوي وتدوس على البنزين يطلع لك واحد ويطق على القزاز , ,


أنت بكل ذوق تفتح القزازه وتقوله :- آمر يالحبيب ؟


يقولك :-بتمشي با السياره ! ! !


(( لا أبفحط وأسوي خمسات . . . . أكيد أنا ماشي ))
**********************




البنت مثلا أنتي بالكليه وقمتي من الطاولة عقب ألف سالفه وسلافه يتخللها الحش والضحك


والغشمرة ورحتي عند الباب تلبسين عبايتك . . .


تجي وحده ملقوفه من البنات وتقولك : - فلانه بتروحين البيت ! ! !


(( لا بصلي في البنات بالكلية أكيد أبروح لـبـيـتـنـا من زين الكليه جالسه في استاربكس وانا مدري ))

********************


مثلا ماسك سماعه التلفون وقاعد تضغط بالأرقام يجي أحد من أهلك ويقولك :-تكلم

بتلفوون ! ! !


((لا بصور معه كم صوور تذكاريه , , أكيد أبكلم ))
*****************


مثلا :- ماسك دفتر أو كتاب وقاعد تحفظ ومتحمس . . جاء أحد وقالك :- قاعد تذاكر ! ! !


(( لا أفرش اسناني , , , أيه أذاكر ))
********************

أو مثلا تتسبح بالمسبح بالإستراحه يجي واحد من أصدقائك يمر عليك ويقول :- فلان تسبح ! ! !


(( لا ادغدغ السمك))
************************


ولا تعالــو شوفو قنواتنا وأسئلتهم البايخة:


مثلا بالعيد جايـيـن يقابلون مع الناس شوفو حوارتهم :-


المذيع :- مرحبا عرفنا على أسمك ؟


المواطن :- فلان الفلاني . . . . .


المذيع :- وش تقول لأهلك بالعيد ؟ ! ! !


المواطن :- انا بذبحكم واحد واحد ؟ اكيد بقولهم كل عام وأنتم بخير . .
*****************

والأسخف من هالبديهيات اللي تضيع وقتنا إذا قابلو مع بزارينا , ,

يقول المذيع للبزر :- أنت تحب ماما وبابا ! ! !


(( لا احبك انت))


المذيع :- أيش تسوي بالعيد أكيد تروح لأهلك تسلم عليهم وتقولهم كل سنه وأنتو طيبين ! ! !


(( لا أبروح أكفخهم وأسوي هوشه , , , أكيد أبعايدهم ))
***************


واحد شاايل شنطته ومتجه عند بوابه المطار ويشووفه خويه با الصدفه هلا والله اعلومك

اخبارك شو تسووي في المطار


(( لا والله جاي اشوف مباراه الهلال×النصر... اكيد اني بسافر ))
*********************
إن شاء الله